வெற்றிலை பெட்டியும் அவளும்..

மூன்று வேளை சோறு இல்லாமல்

இருப்பினும் அவள் பெட்டியில்

வெற்றிலைக்கு பஞ்சம்

இருந்ததில்லை

என் ரகசிய வங்கி அவள்

கள்ளத்தனமாக காசு தருவதில்

கலை பயின்றவள் சில

பொழுதுகளில்

யாரும் என்னை உரத்து பேசிட

விட்டதில்லை அவள்

ஆனாலும் என்னை நேரம் தவறாமல்

வம்புக்கு இழுப்பாள்

சின்ன சின்ன பழைய சுவாரசிய கதைகள் பேசி கொண்டே

பல அறிவுரைகளை நுணுக்கமாய்

மூளைக்கு ஏற்றி விடுவதில்

கெட்டிக்காரி

எனக்கென்ன பிடிக்கும் என்று

தேடித்தேடி சமைத்து தருவதில்

என்னதான் ஆனதாமோ

என் அழகு கிழவிக்கு

பொரியல் என் இன்றி

என் தொண்டையில் இறங்கிவிடாத மதிய சாப்பாட்டுக்கு பகரமாய்

கோழி முட்டை பொரித்து

வைப்பாள் பக்குவமாய்

பின்னேரம் தேநீருடன் சில துண்டு பனிசும் தருவாள் என் அழகி

இரவுகள் நீளும் எங்கள் கதைகள்

ஓய்ந்த பாடில்லை தினமும்...

அவள் என் அழகு அம்மம்மா❤️

:இஸ்ஸத் இஷாரா: