மாற்றம்....?

உன் கோபம்

உன் ஊடல்

நீ போடும் சண்டைகள்

நீ எனக்காய் செய்யும்

சிறிய விஷயங்களும்

உன் காதலும்

உன்னிடம் எனக்கு பிடிக்கும்

என்று முதலில் அடிக்கடி சொல்வாய்

என் சிறு கோபத்தை கூட

அணு அணுவாய் ரசிப்பாய்

நான் சண்டயிட்டால்

என்னை சமாதானம் செய்வதில்

முதலில் நிற்பாய்

எனக்காக ஒவ்வொன்றும்

ரசித்து செய்வாய்

என்னை அதிகம் நினைத்து கொள்வாய்

எனக்காய் எதுவும் செய்வாய்

நான் சொல்லும் சிறு விசயங்கள் கூட

உன் எண்ணம் முழுதும் நிலைத்திருக்கும்

என் பார்வை கண்டு என் மனதை அறிந்து நடப்பாய்

உன் கனவுகளாய் தினமும் நான் இருந்தேன்

உன் தேடலில் முதலாய் நானே இருந்தேன்

எனக்கென உன் எல்லா நேரமும் நீயே தந்தாய்

எனக்கு யாரும் இல்லா நேரம்

எனக்கென எல்லாமாக நீயே இருந்தாய்

அன்று நீ தொலைவில் இருந்தும்

என்னுள்ளே இருந்தாய்

ஆனால்;

இன்று நீ என் அருகே இருக்கிறாய்

ஆனால் யாரோ போல

நடந்து கொள்கிறாய்

அன்று என்னிடம் பிடித்துப்போனது எல்லாம்

இன்று துளியும் பிடிக்காமல் போனது உனக்கு

உன் தேடலில் இன்று நான் இல்லை

ஆயிரம் உறவுகள் இருந்தும் அதில் நீ மட்டும் இல்லை இன்று

ஏன் இந்த மாற்றம் ?

என் வலி அறிந்தும்

என்னை வதைக்கிறாய்

வதைப்பது நீயாய் இருப்பதால் மட்டும்

என் வலிகளின் துளிகளை என் தலயனைக்குள்

தகனம் செய்து விடுகிறேன்

அருகில் இருப்பதில் அருமை இல்லை

தொலைந்து போயின்

என்னை சில நொடிகள் நினைவில் கொள்வாயோ?

: இஸ்ஸத் இஷாரா