உன்னை கடந்து போக...

உன்னில் இருந்து

என்னை மீட்டுக்கொண்டு

என்னுள் என்னை மாற்றி விட்டு

உன்னை தூர விலக்கியே போக

தவிக்கிறேன்

இரு மனம் கொண்டு என் நாட்களின்

முடிவில் கண்ணீர் ஒன்றே

தருகிற வலியினில்;

என் ஆசைகளை

என் எதிர்பார்ப்புக்களை

என் எக்கங்களை

உன் மீது இருக்கும்

என் எண்ணங்களை

சிறிது சிறிதாய்

உன்னால் உணரஇயலாதபடி;

என் வலியை நீ உணராதபடி;

என் உணர்வுகளை நீ புரியாதபடி;

எனக்குள் சில வரையறைகளை

உனக்காய் விதித்துக்கொண்டு

உன்னில் இருந்து என்னை

மீட்டுக்கொள்கிறேன்

உன்னை கடந்து போக:

:இஷாரா