மீதி...

இழப்பில் எந்த வலியும்

இல்லை என உணரும் போது

இழந்தவை எல்லாம் நமக்கு

உரியவை இல்லை என்பது

தெளிவாகிறது

தேடலில் கிடைத்த பொருள்

ஒன்று வேண்டாம் என

ஒதுக்கிய போதும் நம்மில்

நிலைத்தே போய் விடும்

இறுதி வரை

எதிர்பாராமல் கிடைக்கும்

உறவுகள் எந்த அளவு சந்தோஷம்

தந்தாலும் சில காலம் தன்னில்

வேறோர் உறவை நாடி

உதறிப்போக கூடும்

ஆறுதலான அன்பும்

தெவிட்டாத காதலும்

எண்ணில்லா அக்கறையும்

சில காலம் கழிந்து

காணாமல் போகக்கூடும்

காலம் காட்டும் கோலம் எல்லாம்

அளவில்லா புன்னகையும்:

ஆழமான கண்ணீரும்;

அளவிட முடியா வலியும்;

மடிந்து போகும்

உணர்வுகளும் தான்...

: இஸ்ஸத் இஷாரா